Get Adobe Flash player
ການຕັດຕໍ່ຮູບພາບ, ການເຜີຍແຜ່ຮູບພາບ ແລະ ວີດີໂອ ຂອງບຸກຄົນ, ນິຕິບຸກຄົນ ໂດຍບໍ່ໄດ້ຮັບອະນຸຍາດ ແມ່ນຈະສາມາດຖືກດຳເນີນຄະດີ ຈາກອົງການຈັດຕັ້ງທີ່ກ່ຽວຂ້ອງ !

ພະແນກ ປທສ ແຂວງບໍ່ແກ້ວ ລົງເຜີຍແຜ່ການນໍາໃຊ້ສື່ສັງຄົມອອນລາຍ

2722018

     ວັນທີ 27 ກຸມພາ 2018 ທີ່ຜ່ານມານີ້ທີມງານພະແນກ ໄປສະນີໂທລະຄົມມະນາຄົມ ແລະ ການສື່ສານ ແຂວງ ໄດ້ລົງເຜີຍແຜ່ ການນໍາໃຊ້ສື່ສັງຄົມອອນລາຍ ໃຫ້ກັບ ໂຮງຮຽນມັດທະຍົມສົບບູນ ປຸງລາດ, ບ້ານ ປຸງລາດ, ເມືອງຜາອຸດົມ, ໃຫ້ກຽດເປັນປະທານຂອງ ທ່ານ ທະລໍາ ບົວພັນ ຮອງອໍານວຍການ ມສ ປຸງລາດ ແລະ ໂຮງຮຽນມັດທະຍົມສົບບູນ ຜາອຸດົມ, ບ້ານ ຖິ່ນແກ້ວ, ເມືອງຜາອຸດົມ, ໃຫ້ກຽດເປັນປະທານຮ່ວມຂອງທ່ານ ສົບບຸນ ໄຊວຸດທິ ຮອງອໍານວຍການ ມສ ຜາອຸດົມ, ທ່ານ ຈັນສີ ສູລິດາວ ເລຂາພັກຮາກຖານ ກຸ່ມບ້ານ ສີບຸນເຮືອງ ແລະ ທ່ານ ຄໍາອ້ວນ ພິມຈະເລີນ ເລຂາພັກຮາກຖານ ກຸ່ມບ້ານ ສົມສະຫວ່າງ, ມີແຂກຖືກເຊີນ, ມີອົງການຈັດຕັ້ງບ້ານພະນັກງານຄູອາຈານ ແລະ ນ້ອງນັກຮຽນເຂົ້າຮ່ວມທັງໝົດທັງສອງໂຮງຮຽນ 1,161 ຄົນຍິງ 516 ຄົນ.

27220182     ການເຜີຍແຜ່ໃນຄັ້ງນີ້ ສາມາດເຮັດໃຫ້ ນ້ອງນັກຮຽນແລະ ຄູອາຈານ ຢູ່ບັນດາໂຮງຮຽນ ໄດ້ຮູ້ເຖິງການນໍາໃຊ້ເຕັກໂນໂລຊີສື່ສານຂໍ້ມູນຂ່າວສານ ທີ່ທັນສະໄໝ ກໍ່ຄືການນໍາໃຊ້ລະບົບສື່ສານຜ່ານທາງຄອມພີວເຕີອິນເຕີເນັດ ແລະ ເພື່ອເປັນການປ້ອງກັນສະກັດກັ້ນການນໍາໃຊ້ທີ່ເປັນໄພແກ່ສັງຄົມ ແລະ ຄວາມໝັ້ນຄົງຂອງຊາດ ພ້ອມກັນນັ້ນ ທັງໄດ້ຮັບປະໂຫຍດສູງສຸດ ຈາກການນໍາໃຊ້ໄປໃນທາງທີ່ເໝາະສົມເພື່ອຫຼີກເວັ້ນຈາກຜົນກະທົບທາງລົບຂອງການນໍາໃຊ້ສື່ສັງຄົມອອນລາຍ ແລະ ຍັງໄດ້ຮັບຮູ້ເຖີງຂໍ້ດີຂ້ໍເສຍຂໍ້ຄວນລະວັງໃນການນໍາໃຊ້ປະກົດການຫຍໍ້ທໍ້ຂອງສື່ສັງຄົມອອນລາຍໃນປະຈຸບັນ ແລະ ເນື້ອໃນຂໍ້ຫ້າມທີ່ບໍ່ອະນຸຍາດໃຫ້ເຜີຍແຜ່ຜ່ານອິນເຕີເນັດ ທີ່ໄດ້ກໍານົດໄວ້ໃນ ດໍາລັດວ່າດ້ວຍ ການຄຸ້ມຄອງຂໍ້ມູນຂ່າວສານ ຜ່ານອິນເຕີເນັດສະບັບເລກທີ327/ລບ,ນະຄອນຫຼວງວຽງຈັນວັນທີ16ກັນຍາ2017, ຕອນທ້າຍຂອງການເຜີຍແຜ່ຍັງໄດ້ມີກິດຈະກໍາຖາມ-ຕອບກ່ຽວກັບເອກະສານທີ່ໄດ້ເຜີຍແຜ່ ແລະ ມອບຂອງລາງວັນໃຫ້ກັບຜູ້ຂື້ນມາຕອບຄໍາຖາມ

ແຈ້ງການພະແນກ ປທສ ແຂວງ

ສະຖິຜູ້ເຂົ້າຊົມເວັບ

United States 87.7% USA
Laos 9.7% Laos

Total:

35

Countries
028743
Today: 5
Yesterday: 4
This Week: 5
Last Week: 35
This Month: 124
Last Month: 173