Get Adobe Flash player
ການຕັດຕໍ່ຮູບພາບ, ການເຜີຍແຜ່ຮູບພາບ ແລະ ວີດີໂອ ຂອງບຸກຄົນ, ນິຕິບຸກຄົນ ໂດຍບໍ່ໄດ້ຮັບອະນຸຍາດ ແມ່ນຈະສາມາດຖືກດຳເນີນຄະດີ ຈາກອົງການຈັດຕັ້ງທີ່ກ່ຽວຂ້ອງ !

ພິທີປິດຝຶກອົບຮົມໄອຊີທີ ຊຸດທີ I

ຂອງສູນຝຶກອົບຮົມໄອຊີທີ ( ພະແນກ ປທສ ແຂວງ ບໍ່ແກ້ວ )

16082018

     ວັນທີ 16 ສິງຫາ 2018 ທີ່ຜ່ານມານີ້, ສູນຝຶກອົບຮົມໄອຊີທີ ( ພະແນກ ປທສ ແຂວງ ບໍ່ແກ້ວ ) ໄດ້ເປີດພິທີ ປິດຊຸດຝຶກອົບຮົມໄອຊີທີ ຊຸດທີ່ I, ໂດຍໃຫ້ກຽດເປັນປະທານຂອງທ່ານ ບຸນທອງ ແສງສີກອງ ກໍາມະການພັກແຂວງ ຫົວໜ້າພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງ ບໍ່ແກ້ວ, ມີຄະນະພະແນກ, ຕ່າງໜ້າຂະແໜງ, ວິທະຍາກອນ ແລະ ສໍາມະນາກອນ ເຂົ້າຮ່ວມ.

1660820183

     ໃນພິທີປິດຊຸດຝຶກອົບຮົມໄອຊີທີ ຊຸດທີ່ I ຄັ້ງນີ້, ທ່ານ ວິລັນ ມະນີລັດ ໃນນາມວິທະຍາກອນ ໄດ້ໃຫ້ກຽດຂື້ນຜ່ານບົດລາຍງານໂດຍຫຍໍ້ກ່ຽວກັບ ການດໍາເນີນການຮຽນ-ການສອນ ໃນການຝຶກອົບຮົມໄອຊີທີ ຂອງສູນຝຶກອົບຮົມໃນໄລຍະ 2 ເດືອນທີ່ຜ່ານ ເຊິ່ງໄດ້ໃຫ້ຮູ້ວ່າ ການຝຶກອົບຮົມໄດ້ ເລີ່ມແຕ່ວັນທີ 18 ມີຖຸນາ 2018 ເຖິງ ວັນທີ 16 ສິງຫາ 2018, ເຊິ່ງມີ ນັກສໍາມະນາກອນ ເຂົ້າຮ່ວມຝຶກທັງໝົດ 32 ທ່ານ, ຍິງ 15 ທ່ານ, ເປັນພະນັກງານ ທີ່ມາຈາກບັນດາພະແນກການອ້ອມຂ້າງແຂວງ, ສອງກອງບັນຊາການທະຫານ, ຕໍາຫຼວດ, ບັນດາຫ້ອງການອ້ອມຂ້າງເມືອງ ແລະ ນັກຮຽນພາຍໃນເທດສະບານ ເມືອງຫ້ວຍຊາຍ ສໍາລັບການຮຽນ-ການສອນ ແມ່ນໄດ້ແບ່ງອອກເປັນສອງຊຸດຄື: ຊຸດທີໜຶ່ງ ເລີ່ມແຕ່ເວລາ 13:00-15:00 ແລະ ຊຸດທີສອງເລີ່ມແຕ່ເວລາ 15:30-17:30 ມື້ຮຽນແມ່ນ ວັນຈັນຫາວັນສຸກ, ບົດຮຽນທີ່ຝຶກໃນຄັ້ງນີ້ມີສອງບົດຄື: ການນໍາໃຊ້ຄອມພີວເຕີພື້ນຖານ ແລະ ໂປຣແກຣມທີີ່ໃຊ້ສໍາລັບຫ້ອງການ ( ໂປຣແກຣມສໍາລັບການສ້າງເອກະສານ Microsoft Office Word 2007, ໂປຣແກຣມສໍາລັບວຽກການຄໍານວນ Microsoft Office Excel 2007, ໂປຣແກຣມສໍາລັບວຽກງານນໍາສະເໜີ Microsoft Office PowerPoint 2007 ), ຜົນທີໄດ້ຮັບຈາກການຝຶກອົບຮົມໃນຄັ້ງນີ້ ກໍ່ເພື່ອເປັນການສ້າງ ແລະ ພັດທະນາບຸກຄະລາກອນພາຍໃນພະແນກ ປທສ ແຂວງ ໃຫ້ມີປະສົບການກ່ຽວກັບການສິດສອນ ແລະ ການກະກຽມບົດສອນ ໃນການຝຶກອົບຮົມຄັ້ງຕໍ່ໄປ, ເພື່ອເປັນການຕອບສະໜອງກັບນະໂຍບາຍຂອງພັກ-ລັດ ກ່ຽວກັບການນໍາໃຊ້ລະບົບໄອຊີທີ ເຂົ້າໃນວຽກງານບໍລິຫານລັດ ໃຫ້ກ້ວາງຂວາງ ແລະ ທັນສະໄໝ.

160820182

     ຕອນທ້າຍຂອງພິທີ ໄດ້ມີການມອບຮັບ ໃບຢັ້ງຢືນ ໃຫ້ກັບນັກສໍາມະນາກອນ ເພື່ອເປັນຫຼັກຖານໃນການອ້າງອີ້ງ ທີ່ໄດ້ຜ່ານການຝຶກອົບຮົມໄອຊີທີ ເພື່ອນໍາເອົາໄປໃຊ້ ເຂົ້າໃນວຽກງານວິຊາສະເພາະຂອງຕົນ ໃຫ້ກຽດຂື້ນມອບໂດຍ ທ່ານ ບຸນທອງ ແສງສີກອງ ກໍາມະການພັກແຂວງ ຫົວໜ້າພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງ ບໍ່ແກ້ວ ພ້ອມທັງ ມີຄໍາເຫັນເນັ້ນໜັກ ໃຫ້ນັກສໍາມະນາກອນທຸກຄົນ ຈົ່ງນໍາເອົາບົດຮຽນ ແລະ ປະສົບການອັນໃໝ່ ທີ່ໄດ້ທອດຖອນຈາກຄູຝຶກຜູ້ທີ່ມີປະສົບການ ໄປນໍາໃຊ້ເຂົ້າໃນວຽກງານວິຊາສະເພາະ ຢູ່ໃນພະແນກການ, ຫ້ອງການຂອງຕົນ ໃຫ້ໄດ້ຮັບການພັດທະນາດີຂື້ນເລື້ອຍໆ.

ບົດຂ່າວ ແລະ ຮູບໂດຍ: ນິດ ເຄືອມີໄຊ

ແຈ້ງການພະແນກ ປທສ ແຂວງ

ສະຖິຜູ້ເຂົ້າຊົມເວັບ

United States 86.5% USA
Laos 10.4% Laos

Total:

38

Countries
029215
Today: 2
Yesterday: 5
This Week: 36
Last Week: 48
This Month: 118
Last Month: 142