Get Adobe Flash player
ການຕັດຕໍ່ຮູບພາບ, ການເຜີຍແຜ່ຮູບພາບ ແລະ ວີດີໂອ ຂອງບຸກຄົນ, ນິຕິບຸກຄົນ ໂດຍບໍ່ໄດ້ຮັບອະນຸຍາດ ແມ່ນຈະສາມາດຖືກດຳເນີນຄະດີ ຈາກອົງການຈັດຕັ້ງທີ່ກ່ຽວຂ້ອງ !

ກອງປະຊຸມການປະເມີນ

ການຈັດຕັ້ງປະຕິບັດຂໍ້ແຂ່ງຂັນ 4 ບຸກ ຂອງໜ່ວຍຊາວໜຸ່ມພະແນກ ປທສແຂວງ ບໍ່ແກ້ວ

9102018

   ວັນທີ 4 ຕຸລາ 2018, ເວລາ 13:00 ນາທີ ທີ່ຫ້ອງປະຊຸມ ພະແນກ ປທສ ແຂວງ, ໄດ້ຈັດ ກອງປະຊຸມ ການປະເມີນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ຂອງໜ່ວຍຊາວໜຸ່ມ ພະແນກໄປສະນີ, ໂທລະຄົມະນາຄົມ ແລະ ການສືີ່ສານ ແຂວງບໍ່ແກ້ວ, ສະໄໝທີ II, ຄັ້ງທີ 3, ພິທີໄດ້ຮັບກຽດ ເປັນປະທານຮ່ວມ ຂອງທ່ານ ວິລັດ ພົງສະຫວັດ ກໍາມະການໜ່ວຍພັກ ຮອງຫົວໜ້າພະແນກ ປທສ ແຂວງ, ທ່ານ ສົມສັກ ມະຫາພົນ ຮອງເລຂາຄະນະບໍລິຫານງານຊາວໜຸ່ມ ປະຊາຊົນ ປະຕິວັດລາວແຂວງ, ທ່ານ ອຸນເມືອງ ພົມປັນຍາ ເລຂາໜ່ວຍຊາວໜຸ່ມພະແນກ ປທສ ແຂວງ, ມີບັນດາແຂກຖືກເຊີນຈາກຊາວໜຸ່ມແຂວງ, ມີບັນດາສະມາຊິກຊາວໜຸ່ມພາຍໃນໜ່ວຍເຂົ້າຮ່ວມທັງໝົດ 19 ທ່ານ, ຍິງ 10ທ່ານ.

91020182

    ໃນພິທີທີ່ເຕັມໄປດ້ວຍ ບັນຍາກາດອັນຝົດຝື້ນ ແລະ ມີຄວາມໝາຍຄວາມສໍາຄັນ ຜູ້ເຂົ້າຮ່ວມໄດ້ຮັບຟັງການຜ່ານບົດສະຫຼຸບຂໍ້ແຂ່ງຂັນ 4 ບຸກ ແລະ ທິດທາງແຜນການ ການເຄື່ອນໄຫວວຽກງານຂອງໜ່ວຍຊາວໜຸ່ມ ໃນໄລຍະ 01 ປີ ທີ່ຜ່ານມາ ຂອງທ່ານເລຂາໜ່ວຍຊາວໜຸ່ມພະແນກ ປທສ ແຂວງ, ເຊີ່ງສາມາດສະຫຼຸບຕີລາຄາໄດ້ດ້ານດີຜົນງານ, ດ້ານອ່ອນຂໍ້ຄົງຄ້າງ, ວິທີທາງແກ້ໄຂ, ບົດຮຽນທີ່ຖອດຖອນໄດ້ແລະ ວາງທິດທາງແຜນການເຄື່ອນໄຫວຂໍ້ແຂ່ງຂັນ 4 ບຸກໃນ້ຕໍ່ໜ້າ. ຫຼັງຈາກນັ້ນຕາງໜ້າຊາວໜຸ່ມແຂວງ ໄດ້ຂື້ນຜ່ານມາດຖານຄັດເລືອກສະມາຊິກຊາວໜຸ່ມປະຊາຊົນປະຕິວັດລາວ 4 ບຸກ, ຕາມບົດແນະນໍາເລກທີ 421/ລຂ, ລົງວັນທີ 28 ກໍລະກົດ 2016.

91020183

     ຕອນທ້າຍຂອງກອງປະຊຸມ ຍັງໄດ້ຮັບຟັງການໂອ້ລົມຂອງທ່ານ ສົມສັກ ມະຫາພົນ ທ່ານໄດ້ສະແດງຄວາມຊົມເຊີຍ ຕໍ່ຜົນງານ ທີ່ສະມາຊິກຊາວໜຸ່ມ ໜ່ວຍພະແນກ ປທສ ແຂວງ ຍາດມາໄດ້ໃນໄລຍະທີ່ຜ່ານມາ ທ່ານໄດ້ສະແດງຄວາມເປັນຫວ່ງເປັນໃຍ ຕໍ່ສະມາຊິກຊາວໜຸ່ມ ແລະ ກໍ່ໄດ້ໃຫ້ທິດຊີ້ນໍາໆພາ ໃນການປະຕິບັດໜ້າທີ່ວຽກງານ ຂອງສະມາຊິກຊາວໜຸ່ມໃນຕໍ່ໜ້າ ທ່ານຍັງໄດ້ເໜັ້ນໜັກ ໃຫ້ຄະນະໜ່ວຍ ເພີ່ມທະວີສຶກສາອົບຮົມ ການເມືອງ-ແນວຄິດ ໃຫ້ຖັນແຖວສະມາຊິກຊາວໜຸ່ມ ກໍາແໜ້ນແນວທາງຂອງພັກ, ລະບຽບກົດໝາຍຂອງລັດ, ມະຕິ, ຄໍາສັ່ງ, ຄໍາແນະນນໍາ ແລະ ຂໍ້ກໍານົດຕ່າງໆ ທີ່ຕິດພັນກັບຂໍ້ແຂ່ງຂັນ 4 ບຸກ ຂອງອົງການຈັດຕັ້ງຂອງຕົນ ຢ່າງເຂັ້ມແຂງ, ເພີ່ມທະວີການຈັດຕັ້ງ ແລະ ຜັນຂະຫຍາຍຂໍ້ແຂ່ງຂັນ 4 ບຸກ ເຂົ້າໃນວຽກງານຕົວຈິງ ຂອງແຕ່ລະທ່ານ ເປັ້ນຕົ້ນ ບຸກດ້ານແນວຄິດຈິດຕະສາດ, ບຸກດ້ານການຝຶກຝົນຫຼໍ່ຫຼອມຮໍ່າຮຽນ, ບຸກທາງດ້ານວຽກງານການຈັດຕັ້ງ ແລະ ບຸກທາງດ້ານວິຊາຊີບວຽກເຮັດງານທໍາ.

ແຈ້ງການພະແນກ ປທສ ແຂວງ

ສະຖິຜູ້ເຂົ້າຊົມເວັບ

United States 86.5% USA
Laos 10.4% Laos

Total:

38

Countries
029215
Today: 2
Yesterday: 5
This Week: 36
Last Week: 48
This Month: 118
Last Month: 142